Gjigandi italian, Gigi Donnarumma ditën e djeshme ka bërë debutimin me PSG-në në Ligën e Kampionëve përballë Manchester City-t ku bëri një paraqitje të admirueshme.
Aventura e tij të “parisienët” nuk ka nisur në mënyrën më të mirë të mundshme, pasi portieri më i mirë i Evropës deri më tani ka qenë zgjedhje e dytë për Pochettinon dhe kjo ka shkaktuar pakënaqësi te ai.
Javën e kaluar u raportua se Gigi nuk ishte i lumtur në klub, lajme të cilat ai i ka mohuar kategorisht pas ndeshjes me Man City-n.
“Njerëzit flasin në rrjete sociale për largimin nga PSG sepse Navas luan si titullar. Qesha kur i pashë këto. Janë plotësisht lajme false. Jam shumë i lumtur te PSG, lëreni të flasin, klubi më mbështet”.
“Ishte ëndrra ime të debutojë në Ligën e Kampionëve. Jam shumë i lumtur tani, isha i qetë sepse e dija që ky moment do vinte”, nënvizoi Donnarumma./abcnews.al/
