Avokatët e të gjitha gjykatave në vend kanë vendosur të përfshihen në bojkot tre ditor, pas vendimit të Këshillit të Përgjithshëm të Dhomës Kombëtare të Avokatisë.
Një ditë më parë, Këshilli i Përgjithshëm i Avokatëve vendosi që për tri ditë, avokatët në të gjithë vendin do të braktisin çdo proces civil, penal dhe administrativ. Përjashtim bëjnë vetëm seancat e masave të sigurisë.
Mbledhja u thirr një ditë pasi avokati Sokol Mëngjesi, i cili vazhdon të jetë i intubuar prej një jave, u transportua për kurim më të specializuar në Greqi. Bojkot pati edhe nga rreth 90 avokate te qarkut te Elbasanit.
![](https://egnatianews.com/wp-content/uploads/2022/07/WhatsApp-Image-2022-07-21-at-7.14.33-PM.jpeg)