Një incident tragjik ka ndodhur në Izrael kur një gropë 13 metra e thellë u hap dhe gëlltiti një burrë. Pas incidentit makth, i cili ndodhi në një festë të një kompanie në një vilë 40 km në juglindje të Tel Avivit, dy persona u ulën në bankën e të akuzuarve.
Viktima ishte një punonjës i kompanisë 32 vjeç . Dy të arrestuarit ishin një çift rreth të 60-tave, pronarë të shtëpisë me pishinën fatale. Ata akuzohen për shkak të vdekjes nga pakujdesia.
Pamjet nga videot, që qarkullojnë në rrjetet sociale, të lënë pa frymë teksa fiksojnë momentet e panikut dhe përpjekjet për të shpëtuar të riun fatkeq.
Të ftuarit e festës shikojnë momentin e dramës. Ata habiten teksa papritmas shohin një burrë duke ikur prej tyre.
Gjithçka shpaloset në një sekondë dhe para se të kuptojnë plotësisht se çfarë po ndodh, të ftuarit e festës janë përballur me tronditjen.
Sipas raportimeve të mediave të huaja, shpëtimtarëve iu deshën katër orë për të arritur tek viktima , Kleel Kimi, në një thellësi prej 13 metrash.
Një burrë i dytë ra në gropë, por nuk u thith nga gropa dhe më në fund u shpëtua me lëndime të lehta.
Në festë, sipas raportimeve, ishin 50 persona, ndërsa në momentin e dramës gjashtë ishin në pishinë.
Papritur, uji filloi të tërhiqej dhe gropa u hap. Pronari i shtëpisë dyshohet se e ka krijuar pishinën pa lejen e nevojshme, ndërkohë që kanë nisur hetimet për ngjarjen.
/abcnews.al/
