Tirana-Kastrioti ishte dueli që vendoste shumë për të dyja skuadrat ndaj dhe tensioni ishte i pranishëm në fushë gjatë gjithë kohës. Të dyja ekipet donin me çdo kusht pike dhe u përpoqën por në 77’ nisi gjithçka.
Tirana kaloi në avantazh me një gol me kokë të Hoxhallarit por pas një rrëzimi të Okebungwu-t në fushë krutanët u ankuan për mungesë të fair play-t, duke bërë që të fushë të krijohej një situatë kaotike.
Drejtuesit e Kastriotit bënë thirrje që skuadra të braktisë ndeshjen, por pas disa minutash tension, futbollistët u rikthyer në fushë dhe vijuan lojën deri në vërshëllimën finale ku sfida u mbyll 1-0.
Ndërkohë incidenti bëri që të shtoheshin forcat e policisë rreth “Selman Stërmasit” edhe pas përfundimit të sfidës nga frika e ndonjë përplasjeje të mundshme.
