Komplimentet e Zlatan Ibrahimoviç mbërrijnë për Italinë e Roberto Mancini, pas triumfit në “Euro 2020”. Lojtari i Milanit duartrokiti axurrët, pothuajse të gjithë kundërshtarë të tij në kampionatin italian, duke komentuar në faqen personale në Instagram: “Nuk është keq të luash në Serie A. Urime Italisë, shtëpisë sime të dytë”. Ky postim kishte dhe një dedikim miqësor për ish-shokun e skuadrës te Milani, Gigio Dommarumma.
Portieri italian në muajin e fundit ka qenë në qendër të vëmendjes për paraqitjet e tij të shkëlqyera me fanellën blu, por edhe në qendër të polemikave për lamtumirën nga kuqezinjtë dhe transferimin në Francë, te PSG. Zlatan, gjithashtu i kushtoi një mesazh personal Gigio, i shpallur lojtari më i mirë në Kampionatin Europian dhe autori i pritjes së penalltive vendimtare.
“Një vit me mua, edhe ti tashmë e kupton se si fitohet. Të lutem (je i mirëpritur)”, – shkruan Ibra, duke sugjeruar se cilësia dhe aftësia e portierit është gjithashtu për shkak të mësimeve të tij, gjatë udhëtimit të përbashkët me fanellën kuqezi. Kush e di nëse ky mesazh i tij nuk është me të vërtetë një “thumbim” për tradhtinë e “Djallit”?
fax
