Një aksident ka ndodhur në qytetin e Elbasanit, ku një mjet triçikël ka dalë nga rruga, për pasojë është plagosur drejtuesi i tij.
Burime bëjnë me dije se shoferi është dërguar me urgjencë në spital, në gjendje serioze për jetën, ndërkohë që nuk dihet ende identiteti i tij.
Drejtuesi i triçiklit është transportuar në spital nga një furgon i forcave “Shqiponja” që po kalonte aty në momentin që ndodhi aksidenti.
Ndërkohë po hetohen shkaqet që sollën aksidentin me pasojë plagosjen në gjendje të rëndë të drejtuesit të triçiklit.
