Një makinë është përfshirë nga flakët pasditen e sotme në Rrugën e Kavajës, në Tiranë.
Bëhet me dije se makina ishte e parkuar poshtë një pallati 3-katësh, ku u përfshi nga flakët për shkak të një defekti teknik.
Flakët kanë rrezikuar edhe pallatin, por fatmirësisht ndërhyrja ka qenë e shpejtë e zjarrfikësve dhe kanë arritur që të shuajnë flakët.
Nga ngjarja fatmirësisht s’ka të lënduar, por vetëm dëme materiale. Policia ndodhet në vendin e ngjarjes dhe po punon për zbardhjen e plotë të rrethanave të ngjarjes.
