Partia Demokratike ka depozituar ditën e sotme në Kuvend kërkesën për ngritjen e Komisionit të Reformës Zgjedhore. Në krye të grupit të punës Lulzim Basha ka caktuar nënkryetarin e partisë, Enkelejd Alibeaj.
Më parë lideri demokrat këtë cështje ia kishte besuar Oerd Bylykbashit, por tashmë do të jetë Alibeaj që do të udhëheqë grupin e punës nga PD përballë shumicës socialiste.
Por cfarë kërkon opozita? Një nga kërkesat e PD-së është rikthimi i koalicioneve parazgjedhore që në korrik të vitit kaluar, përpara zgjedhjeve parlamentare të 25 Prillit të 2021, Partia Socialiste e hoqi.
Katër kërkesat e PD-së
1.Ngritja e komisionit të posaçëm hetimor
2.Komisioni ka për detyrë hartimin e ndryshimeve kushtetuese dhe të kuadrit ligjor zgjedhor për trajtimin e rekomandimeve të OSBE-së për zgjedhjet e 25 Prillit dhe zgjedhjeve të mëparshme.
3.Anëtarësia e komisionit formohet me pjesëmarrjen e partive parlamentare me përbërje të barabartë mes shumicës dhe pakicës.
4.Komisioni e ushtron veprimtarinë për një afat 6 mujor.
