Madonna ka mbështetur Britney Spears nëpërmjet një deklarate emocionuese në Instagram, ku denoncon kujdestarinë e këngëtares dhe kërkon lirinë e saj.
Mbretëresha e popit, e cila bëri një duet me Spears në 2003-in, shprehu e irrituar kufizimet nën të cilat Spears ka jetuar për më shumë se një dekadë, shkruan “People”.
“Jepi kësaj gruaje jetën e saj përsëri“,- tha Madonna. “Skllavëria u shfuqizua shumë kohë më parë! Vdekje patriarkatit lakmitar që ua bën këtë grave me shekuj. Kjo është shkelje e të drejtave të njeriut! Britney po vijmë të të nxjerrim nga burgu!“, shtoi ajo.
Pra Madonna, ashtu si dhe shumë këngëtarë të tjerë, i është bashkuar lëvizjes #FreeBritney, pas dëshmisë së saj tronditëse në gjykatë muajin e kaluar në të cilën ajo i tha gjykatës se ishte “traumatizuar” dhe bëri thirrje që babai i saj, Jamie Spears, të futet në burg.
Nga ana tjetër, Jamie i ka kërkuar Gjykatës që të verifikojë pretendimet e Spears, pasi sipas tij, ato nuk janë të vërteta.
panorama
