TIRANE -Burime për Top Channel bëjnë me dije se Partia Social Demokrat ka depozituar KQZ kërkesën për regjistrim për zgjedhjet e 25 Prillit.
Mësohet se kërkesa u depozitua në protokollin e KQZ pasditen e djeshme. Në ditën në vijim KQZ pritet të mblidhet për të shqyrtuar kërkesën e partive që kanë depozituar për regjistrim.
Kërkesa mban firmën e Tom Doshit si kryetar, ndërsa kjo vjen në një kohë ku ambasadorja e SHBA-së, Yuri Kim bëri një apel për kandidatë të pastër. Ajo solli në vëmendje pikërisht rastin e Tom Doshit, të cilit i është refuzuar viza amerikane duke e akuzuar për korrupsion, duke thënë se Shqipëria meriton kandidatë më të mirë.
Kujtojmë se PSD e cila drejtohet nga Tom Doshi ka dorëzuar brenda afateve të përcaktuara komisionerët në Shkodër dhe Tiranë. Afati i regjistrimit të partive është deri më 15 shkurt.
Ndërsa deri ne 24 shkurt duhet te regjistrohen koalicionet. Kështu deri më datën 7 mars partitë politike duhet të çojnë në Komisionin Qendror të Zgjedhjeve, listën me emrat e kandidatëve për deputet.
PARTITË QË KËRKOJNË TË REGJISTROHEN NË KQZ
Partia Demokratike
Lëvizja Socialiste për Integrim
Partia Republikane
Lëvizja për Zhvillim Kombëtar
Aleanca Demokristiane
Partia Agrare Ambientaliste
Partia Bashkimiki Demokrat
Partia Kristian Demokrate
Partia Lëvizja e Re
Partia Aleanca Demokracia e Re
Partia Komuniste
Partia Social Demokrate (PSD)
Top Channel
