Ndrkohë që pak orë na ndajnë nga festa zyrtare e Krishtlindjeve, politikanët shqiptarë kanë uruar të gjithë shqiptarët, në veçanti besimtarët katolikë për “Ringjalljen e Krishtit”. Urimet kanë ardhur nga presidenti i vendit, Ilir Meta, kryeparlamentarja Lindita Nikolla, nga kryeministri Edi Rama, ish kryeministri Sali Berisha, kryedemokrati Lulzim Basha, kreu i grupit parlamentar të PS, Taulant Balla dhe ministrja e Arsimit Evis Kushi.
Urimi i bërë nga presidenti, Ilir Meta: Nga zemra u uroj sonte GËZUAR KRISHTLINDJEN besimtarëve të krishterë dhe mbarë popullit shqiptar!
Mesazhi i përjetshëm i dashurisë, i dritës që nuk shuhet kurrë dhe i shpresës së pakufishme të kësaj feste, që na bashkon të gjithëve, prek dhe ngroh zemrat tona, duke sjellë më shumë lumturi dhe gëzim në çdo vatër familjare, na jep forcë përballë sfidave aktuale, na mbush me shpresë për ditët më të mira që ende nuk kanë ardhur.
Lindja e Krishtit i jep kuptim jetës brenda nesh dhe besimit për një të nesërme më të mirë, në paqe, dashuri dhe mirëqenie, na frymëzon e na bën më solidarë që të mos i harrojmë, të kujdesemi dhe t’u zgjasim dorën me përulësi atyre që kanë nevojë për përkrahje dhe mbështetje materiale dhe shpirtërore.
Ndërsa familjet dhe miqtë mblidhen sonte për të festuar, të mos harrojmë se secili prej nesh ka mundësinë të jetë një shembull i përkryer i dashurisë, në rrugën drejt shpresës, besimit për një jete të bukur, një familje të bekuar, një shoqërie të paqtë e të shëndetshme!
Për shumë mot GËZUAR KRISHTLINDJEN!
