Tre persona kanë pësuar djegie të rënda trupore pas shpërthimit të një bombule gazi brenda banesës së tyre në Maliq të Korçës.
Ngjarja ka ndodhur rreth orës 16:15 në fshatin Vashtëmi në banesën e shtetasit R.K 59 vjeç. Shkak për shpërthimin e bombolës është bërë pakujdesia. Për pasojë është plagosur kryefamiljari i shtëpisë, 59 vjeçari R.K, djali i tij T.K, 34 vjeç dhe familjari i tyre, A.M, 40 vjeç.
Të tre të plagosurit janë transportuar drejt spitalit të Korcës dhe prej aty janë nisur me urgjencë drejt Tiranës ku po marrin trajtimin e duhur mjekësor. Ndërkohë grupi hetimor ndodhet në vendngjarje për sqarimin e rrethanave të plota të shpërthimit.
