Autoritetet ruse kanë arrestuar basketbollisten 31-vjeçare amerikane Brittney Griner, kampione olimpike në “Rio 2016” dhe “Tokyo 2020” me kombëtaren e vendit të saj. Në momentin e arrestimit në aeroportin e Moskës asaj iu gjet drogë.
Ndalimi i saj u bë doganë, pas mbërritjes në Moskë, ndërkohë që ishte nisur nga New Yorku. Griner luan me ekipin e Phoenix Mercury në WNBA (NBA për femra). Nga vitit 2015 deri në vitin 2020 ka luajtur me ekipin e Ummc Ekaterinburg.
Basketbollistes i janë gjetur substanca të ndalura në Rusi (bëhet fjalë për një cigare elektronike dhe vaj kanabisi). Tashmë ajo rrezikon nga 5 deri në 10 vjet burg. Një ngjarje që mund të shtojë tensionet mes Amerikës dhe Moskës.
