Kërkesa e PD për të ngritur një komision hetimor për rastin e Becchetit, siç duket nuk do të realizohet pasi kryeministri Edi Rama tha gjatë fjalës së tij se një gjë e tillë nuk do bëhej kurrë e mundur.
Rama akuzoi PD-në se kishin kryer vepër penale duke u marrë me një vendim që ende nuk ka dalë nga gjykata Europiane, pasi i përket një rasti tepër konfidencial. Më tej, Rama shtoi se biznesmeni italian ishte i kërkuar nga drejtësia shqiptare dhe se PD po bashkëpunonte me një person të inkriminuar kundër interesave të vendit.
Ndërsa më tej, nuk la pa përmendur edhe “foltoren” e organizuar nga ish-kryeministri Sali Berisha, duke thënë se ky ishte halli që kishte zënë kryetarin e PD, Lulzim Bashën.
Kryeministri Edi Rama
Në muajin prill 2021 opinioni publik u njoh me rastin Beccehti. Tani mund të ma tregoni vendimin me të cilin ju jeni njohur? Nuk ka asnjë njohje të publikut nga gjykata përkatëse, madje kjo që thoni ju konsiderohet vepër penale, sepse sipas gjykatës sepse nuk po flas unë, pasi bërja publike e një procedure akoma në process është vepër penale, pasi i konsiderohet një vendimi konfifencial. Sesi u njoh publiku me një vendim që ka qenë konfidencial, këtë e dini ju. Në rradhë të parë në kërkesën tuaj ju nuk citoni burimin zyrtar publik. As në prill dhe as sot, i caktuar nga vendimi i gjykatës si i tillë nuk është publikuar.
Kërkesa juaj thotë: Është e qartë që Shqipëria do të paguajë. Të dilni ju këtu me zë nga vend dhe të korrektoni fjalët që them unë ndërkohë që zotëria është “out of control” dhe askush nuk guxon nga ana jonë që në ecje e sipër t’i bëjmë pyetje sepse është në hall, unë habitem.
Krejtësisht e pavërtetë që shteti shqiptar ka nisur të paguajë, ju doni të bëni një Komision Hetimor që dëmton drejtpërdrejtë financiat e RSH-së. Konfidencialiteti është detyrues, edhe për të zgjedhurit, nuk po them për qimi.net. Nuk mundet që një komision hetimor të kthehet në një dosje më shumë për avokatët e palës tjetër. Ai person është i kërkuar nga drejtësia shqiptare, dhe ju bëheni aleat dhe me atë.
Mos keni marrë ndonjë kaush me fara luledielli nga ky, nuk e them unë këtë, nuk hyj unë në këto. Lulëzim ta kam thënë që unë hallexhinjve nuk i shtoj hallet, je hallexhi sot, më vonë flasim prapë. Zgjidhi hallet e tua, por mos hy në garë me atë të foltores, në atë fushë është më i mirë ai, është qenefi i Shqipërisë, je shumë pllakë majelike për të qenë si ai. Komisionin harrojeni se nuk do të bëhet kurrë.
Unë jam i gatshëm të votoj bashkë me ju që të flisni dhe të rrini këtu gjithë javën. Jam votë me ju, të rrini këtu edhe gjithë javën dhe kështu krijoni një shtëpi të dytë para se të vijë foltorja në shtëpinë e parë.
