Një ngjarje tragjike është verifikuar në mbrëmjen e një nate me parë në rajonin e Lombardisë.
Dy të rinj 15-vjecarë kanë humbur jetën nën shinat e trenit ndërsa po kapërcenin binarët.
I riu kosovar Meriton Ajeti 15 vjeç, është një nga dy viktimat e kësaj tragjedie në stacionin Pietro Berbenno.
Së bashku me shokun e tij Manuel Gabriel Tejada Reyes kanë kapërcyer murin rrethues të stacionit për duke evituar nënkalimin për udhëtarët, zgjedhje që i ka kushtuar jetën.
Një tren në tranzit me shpejtësi 80 km në orë, që po kalonte në ato caste nuk ka mundur të ndaloj në kohë për të evituar tragjedinë.
Dy të rinjtë kanë humbur jetën në këtë aksident tragjik e pas një ditë argëtimi që kishin kaluar në Luna Park.
Me linjën hekurudhore rajonale ata po ktheheshin në qytetin e tyre në Sondrio.
I riu kosovar është djali i një familje emigrantësh e kishte pasion futbollin. Ai luante me skuadrën e të rinjve në një klub të Sondrios.
Kjo ngjarje e rëndë ka prekur banorët e Sondrios e gjithë komunitetin e shqiptarëve e kosovarëve që jetojnë në të.
Ndër 2000 emigrantë që jetojnë në këtë qytezë me rreth 21 mijë banorë, mbi 200 janë shtetas kosovarë e shqiptarë.
Emigrantët kosovarë janë më të shumtë në numër se ata shqiptarë në këtë komunë të rajonit të Lobmardisë.
