Turqia po i ndalon të gjitha eksportet dhe importet nga Izraeli që nga e enjtja , sipas asaj që i thanë Bloomberg dy burime të njohura me këtë çështje , pa një njoftim zyrtar deri më tani. Sipas Agjencisë Turke të Statistikave, tregtia midis Izraelit dhe Turqisë ishte 6.8 miliardë dollarë në vitin 2023, me 76% të asaj që vinte nga eksportet nga Turqia.
Të enjten, Ministri i Jashtëm izraelit, Israel Katz, shkroi në Twitter se “kështu vepron një diktator (Erdogan) që shkel interesat e popullit dhe biznesmenëve turq dhe injoron marrëveshjet tregtare ndërkombëtare”, duke shtuar se “Izraeli ka një ekonomi të fortë. Ne fitojmë dhe ata humbin”.
Muajin e kaluar, Turqia njoftoi se do të kufizonte eksportet në Izrael, duke pretenduar se Tel Avivi refuzoi ta lejonte të hidhte ndihma humanitare në Rripin e Gazës dhe pasi presidenti i saj Recep Tayyip Erdogan u kritikua për mos ndalimin e tregtisë me Izraelin, pas fillimit të luftë.
Ministria turke e Tregtisë njoftoi në atë kohë se do të vendoste kufizime në eksportin e 54 produkteve që mund të përdoren për qëllime ushtarake. Lista përfshinte dhjetëra produkte, duke përfshirë: hekur, makineri ndërtimi, ngjitës ndërtimi, xhami ndërtimi, mermer, makineri për përpunimin e metaleve, plehra kimike, ngjitës, çimento dhe alumin.
Dje Ankaraja njoftoi se do të bashkëpunojë me Afrikën e Jugut dhe do të mbështesë padinë e ngritur kundër Izraelit në Hagë.
