Ukraina i ka bërë thirrje OKB-së dhe Turqisë të fillojnë konsultimet për të rinovuar marrëveshjen e eksportit të grurit, por nuk ka marrë përgjigje, tha sot një zyrtar i qeverisë ukrainase.
Zëvendësministri i Infrastrukturës së Ukrainës, Yuriy Vaskov, përgjegjës për rindërtimin e vendit, i tha Reuters javën e kaluar se Kievi do t’u kërkojë palëve të përfshira të fillojnë bisedimet për të rinovuar marrëveshjen, duke kërkuar të zgjasë vlefshmërinë e saj për të paktën një vit dhe të përfshijë portet e Mykolife.
Iniciativa për drithërat e Detit të Zi e ndërmjetësuar në korrik nga Turqia nën kujdesin e Kombeve të Bashkuara lejon eksportimin e grurit nga tre porte të Ukrainës. Ai u zgjat në nëntor dhe do të duhet të rinovohet deri më 18 mars.“Ne kemi dërguar një letër duke kërkuar që të fillojë procesi, por nuk kemi marrë një përgjigje deri më tani”, tha zyrtari ukrainas.
Marrëveshja e eksporteve të grurit të Ukrainës në 2022/23, zgjat deri në qershor. Eksportet ranë me gati 27% nga 31.8 milion ton në 27 shkurt për shkak të vështirësive logjistike të shkaktuara nga pushtimi rus.
Sipas marrëveshjes, Ukraina eksporton rreth 3 milionë tonë produkte bujqësore në muaj. Megjithatë, Vaskov tha se vendi i tij është në gjendje të eksportojë 6 milionë tonë në muaj nga portet e rajonit të Odessa deri në 8 milionë tonë nëse Mykolife përfshihet në marrëveshje.
Pavarësisht një reduktimi të korrjes së grurit në vitin 2022 (54 milionë tonë krahasuar me 86 milionë tonë rekord të vitit 2021), të paktën 30 milionë tonë drithë mbeten në kapanone, sipas Ministrisë së Bujqësisë së Ukrainës.
Vetëm në Mykolife presin 26 anije që të transportojnë një sasi të konsiderueshme gruri, ndërsa në total 60 anije presin miratimin për t’u nisur nga portet e Ukrainës.
