Gjykata e apelit të Tiranës ka dhënë masën e sigurisë të arrestit të shtëpisë për Pajtim Rrushin, një prej të dyshuarve në vrasjen e biznesmenit Ruzhdi Hoxha.
Nga ana tjetër Apeli ka lënë në fuqi vendimin e shkallës së parë për të dyshuarin kryesor Fredi Rrushi.
Vrasja e biznesmenit dyshohet se ka ndodhur për shkak të prishjes së pazareve të drogës, ndërkohë që ende nuk është gjetur makina me të cilën u çua trupi i Ruzhdi Hoxhës drejt Dajtit.
Vendimi i plotë i Apelit:
Me datë 24.10.2021, në Tiranë, shtetasi me iniciale S.H ka raportuar se ka humbur kontaktet me babin e tij. Pas disa ditësh gjëndet i pajetë në zonën e Dajtit, trupi i biznesmenit me iniciale R.H. Të dyshuar për kryerjen e kësaj vepre penale janë personat me iniciale F.Rr dhe P.Rr.
Referuar interesimit të medias për këtë rast njoftojmë se:
Gjykata e Rrethit Gjyqësor Tiranë, ka zhvilluar gjykimin lidhur me vlerësimin e ndalimit dhe caktimin e masës së sigurimit për personi nën hetim F.Rr, i dyshuar për kryerjen e veprave penale “ Vrasje me paramendim”, “Mbajtja pa leje e armëve, prodhimi i armëve, armëve shpërthyese dhe municionit”, “Fshehje ose asgjësimi i kufomës”, parashikuar nga neni 78, 278, 303 i Kodit Penal si dhe për personin nën hetim P.Rr, i dyshuar për kryerjen e veprës penale “Veprime që pengojnë zbulimin e se vërtetës” dhe “Fshehje ose asgjësimi i kufomës”, parashikuar nga neni 301 dhe 303 i Kodit Penal .
Me vendimin nr. 1999 Akti, datë 10.11.2021 Gjykata e Rrethit Gjyqësor Tiranë
