3 shtetas iranian, banues në Stamboll janë arrestuar në hyrje të Shqipërisë, pasi paraqitën pasaporta të falsifikuara.
Sipas policisë, në pikën kufitare të Qafë Thanës, janë arrestuar shtetasit I. T., 24 vjeç, M. N., 25 vjeç dhe A. N., 25 vjeç.
3 iranianët do të hetohen nga Prokuroria pranë Gjykatës së Shkallës së Parë Pogradec.
Njoftimi i policisë:
Shërbimet e Stacionit të Policisë Kufitare Qafë Thanë, në vijim të punës për parandalimin, evidentimin dhe goditjen e paligjshmërisë, konkretisht atë të kalimit të kufirit me dokumente të falsifikuara, në bashkëpunim me specialistët për Hetimin e Krimeve në Komisariatin e Policisë Pogradec, bënë arrestimin në flagrancë të shtetasve I. T., 24 vjeç, M. N., 25 vjeç dhe A. N., 25 vjeç, banues në Stamboll, Turqi.
Këta shtetas janë paraqitur në hyrje të Republikës së Shqipërisë, me dokumente identifikimi të dyshuara si të falsifikuara, të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.
Top Channel
