Vincent Cassel është një nga aktorët më të kërkuar në industrinë e filmit, pasi ka shkëlqyer si aktor në vendlindjen e tij në Francë, si dhe në skenën ndërkombëtare.
Krahas karrierës së tij të gjatë në këtë fushë, Kassel ka pushtuar mediat ndërkombëtare edhe për femrat që kanë qenë në krah të tij, pasi ndër të tjera ai ka qenë i martuar me një prej femrave më të bukura, Monica Bellucci.
Gruaja e dytë me të cilën ka ngjitur shkallët e kishës, është Tina Kunakei, 30 vite më e vogël nga ai, me të cilën duket se tashmë është ndarë, pasi Cassel fshiu të gjitha fotot e saj nga profili i tij në Instagram.
Martesat e trazuara të Kassel me dy prej pranive më seksi të showbiz-it kanë qenë objekt debati, pasi në të dyja rastet ndarja duket se ka ardhur prej tij.
Nga njëra anë, tradhtitë në kurriz të yllit italian Bellucci dhe nga ana tjetër divorci i papritur që thuhet se ketë me Kunakei, bëjnë që Kassel të kthehet sërish në një nga emrat më të përfolur të showbizit botëror.
Cassel dhe Bellucci u takuan gjatë xhirimeve të filmit “The Apartment” në vitin 1996. Çifti ra në dashuri marrëzisht dhe shumë shpejt u martuan. Martesa e tyre, në vitin 1999, ishte një nga më të përfolurat në industrinë e showbiz-it të gjithë dekadës, me dy yjet që shpesh bënin tituj për paraqitjet e tyre në tapetin e kuq dhe skenat e tyre pasionante së bashku në ekran.
Ata kishin dy fëmijë së bashku, Devën e lindur në vitin 2004 dhe Leoni që lindi në vitin 2010. Në vitin 2013 dhe pas 14 vitesh bashkë, çifti u nda duke përmendur mospajtimet e papajtueshme. Divorci i tyre u diskutua më shumë se martesa e tyre, pasi faqet e huaja “zbuluan” disa padrejtesi nga e kaluara fajtore e yllit tashmë 56-vjeçar francez, të cilat i sollën fundin martesës së tij.
“Retë” e para
Cassel dhe Bellucci jetuan jetë të pavarura për vite me radhë, madje duke mbajtur apartamentet e tyre private në Paris dhe Romë, respektivisht. Nga ana tjetër, Kassel kalonte kohë shumë të gjata vetëm, gjë që u bë e qartë nga shtypi i kohës. Edhe para se të ndaheshin, Bellucci bëri një referencë indirekte për tradhtinë, duke pretenduar se do të ishte qesharake nga ana e saj që t’i kërkonte të shoqit të qëndronte besnike kur ajo është larguar nga shtëpia për dy ose tre muaj.
Duke lënë të dhëna për përkushtimin e Casselit ndaj martesës së tyre, Monica Bellucci nuk e ekspozoi kurrë dashurinë dikur të madhe të jetës së saj dhe babain e fëmijëve të saj.
Jeta e dyfishtë e Casselit
Përveç Francës, Cassel kaloi një pjesë të madhe të jetës së tij, ende i martuar me Belluccin, në Rio të Brazilit, ku thuhet se “ndërtoi” një jetë të dytë. Në vitin 2017, revista italiane Dagospia, tregon që Cassel po jetonte me një të re braziliane dhe Bellucci e mësoi atë papritur, në 2012.
Në një intervistë për GQ France në vitin 2018, Cassel pranon për herë të parë se ai ishte arsyeja që martesa e tij me italianen seksi u prish, duke iu përgjigjur thashethemeve për tradhti. Ai deklaroi se “ka pasur gjëra që kanë ndodhur, por është diçka mes meje dhe Monikës”. Ai po ashtu ka deklaruar se merr përgjegjësinë për prishjen e martesës së tyre, duke thënë se “nuk kam qenë njeri i lehtë për të jetuar”.
Me kalimin e kohës, të dy kanë ruajtur marrëdhënie miqësore dhe janë pranë vajzave të tyre, të cilat tashmë kanë nisur një karrierë të fortë në modeling, ashtu si nëna e tyre. Deva Cassel tashmë është një modele e kërkuar dhe që nga mosha 16-vjeçare e deri më sot, e cila është 18-vjeçare, është fotografuar për revista të mëdha, ndërsa ka ecur në disa nga pasarelat më të lakmueshme të shtëpive prestigjioze të modës përfshorë Dior.
Lidhja e tij e parë e njohur
Para se të martohej me Monica Bellucci në 1999, Cassel ishte në një lidhje me aktoren dhe modelen italiane, Isabelle Ajani, nga viti 1989 deri në 1995. Pas divorcit nga Bellucci, Cassel ishte i lidhur me gra të ndryshme, duke përfshirë modelen dhe aktoren Ludivine Chanier dhe bukuroshja braziliane, Isabelle Goulart. Ai gjithashtu përflitet se ka pasur një lidhje të shkurtër me modelen dhe aktoren italiane Valeria Golino.
Aventurat për të përfunduan në vitin 2016, kur u takua me 19-vjeçaren e atëhershme Tina Kunakei.
Në vitin 2016, Kassel, pak para se të mbushte 50 vjeç, bie kokë e këmbë në dashuri me Tina Kunakei, e cila është 30 vjet më e re. Ata u njohën përmes miqve të përbashkët dhe deri vonë, mbetën të pandarë. Pavarësisht raporteve që gjykojnë diferencën e madhe të moshës mes tyre, shumica mendonte që aktori të hynte në një lidhje serioze me një grua shumë më të re se ai.
Paraqitja e tyre e parë së bashku si çift ishte në Festivalin e Filmit në Venecia në vitin 2016, ku ylli i Hollivudit po promovonte filmin e tij ‘L’Histoire de l’Amour’. Ata janë parë të kapur për dore dhe shumë të dashuruar.
Ata u martuan më 24 gusht 2018, në një ceremoni intime në ishullin Bidart, Francë. Çifti ishin në lidhje që nga viti 2016 dhe dasma e tyre u zhvillua në një kishë të vogël. Të pranishme kanë qenë edhe vajzat e tij me Monica Belluccin.
Gjatë jetës së tyre bashkëshortore, ata nuk kanë ngurruar të postojnë foto së bashku nga udhëtimet dhe momente të rëndësishme familjare.
Në vitin 2019, modelja solli në jetë vajzën e tyre, të quajtur Amazonie. Ata njoftuan ardhjen e fëmijës së tyre të parë në Instagram, me një foto të Kunakeit duke mbajtur dorën e të porsalindurit.
Gjithçka mund të jetë dukur perfekte, por fundi i kësaj martese Cassel duket se ka ardhur, duke rënë si një “bombë” në Hollywood.
56-vjeçari Kassel ka fshirë të gjitha fotot e bashkëshortes nga llogaria e tij në Instagram. Lëvizja e aktorit “ngjall” thashethemet se ata duan të jenë ndarë.
Një burim i cituar nga Daily Mail pretendoi se ata u ndanë javë më parë dhe se “Tina është e shkatërruar”.
Hera e fundit që Cassel ka pëlqyer një nga postimet e Kunakei në Instagram ishte në shkurt dhe ajo nuk ka ndarë asnjë foto të saj me aktorin për audiencën e saj në internet prej javësh. Pavarësisht nga ato që dëgjohen, asnjëri prej tyre nuk ka konfirmuar apo mohuar zërat se kanë marrë rrugë të ndara.
(BalkanWeb)
