Mjekët paralajmërojnë se ndryshimet e orareve të gjumit kanë një ndikim të fortë në metabolizëm.
Sipas tyre, çdo vonesë e mundshme në zbatimin e një orari rigoroz të gjumit nxit një rezistencë më të lartë ndaj insulinës.
Kjo do të thotë se njerëzit që nuk flenë në orar, kanë më shumë akumulim të glukozës në gjak.
Një gjë e tillë shkakton shfaqjen e diabetit të tipit 2.
Çfarë Është Insulina Dhe Përse Ndikohet Nga Oraret E Gjumit
Insulina ndihmon trupin të përthithë glukozë nga ushqimi dhe ta përdorë atë për energji.
Një pjesë e kësaj energjie ruhet në organizëm dhe vendoset në përdorim kur trupi fle.
Sipas të dhënave të AgroWeb.org, nëse njeriu vonon të flejë, atëherë trupi vazhdon të mbledhë sheqer nga ushqimet, edhe nëse nuk jeni duke ngrënë.
Në këtë mënyrë, pikat e magazinimit të sheqerit në trup mbushen shumë.
Kësisoj, sheqeri në gjak konvertohet në qeliza yndyrore.
Çdo vonesë në fjetje e shtyn trupin të ruajë më shumë energji dhe të mos e shpenzojë atë.
Në teori, kjo shpjegon përse cilësia e keqe e gjumit ka lidhje me një metabolizëm problematik.
Ky problem vërehet shumë tek femrat.
Rreziku i shfaqjes së diabetit është më i lartë tek femrat në moshën e mesme, dhe lidhja mes insulinës dhe gjumit, shpjegon shumë gjëra mbi këtë fenomenon.
Për më tepër, njerëzit që e shtyjnë gjumin për më vonë, kanë më shumë tendencë ta teprojnë me ushqimin dhe të jenë mbipeshë.
Njerëzit që kanë probleme me gjumin, sipas të dhënave të AgroWeb.org, besohet të jenë më të prirur të konsumojnë gjëra të ëmbla ose ushqime të kripura.
Cilësia Apo Sasia
Shqetësimet e mjekëve dhe ekspertëve janë të mëdha në lidhje me vonesën në fjetje dhe nivelin e lartë të kalorive të konsumuara.
Sipas tyre trupi është më i aftë të metabolizojë glukozën në orët e para të ditës se sa në mbrëmje.
Këshilla e AgroWeb.org ështue se, nëse dëshironi të humbisni në peshë, përqendrohuni tek cilësia dhe oraret e gjumit, bashkë me një regjim të shëndetshëm ushqimor dhe aktivitet fizik.
