Mbrojtësi i Totenhemit, Erik Dajër, në një intervistë të dhënë për revisten “ES Magazine”, ka bërë një deklaratë të çuditshme, teksa shprehet se do të dëshironte që pas vdekjes hiri i trupit të tij të shpërndahej në stadiumin e Totenhemit.
Mbrojtësi 27 vjeçar i cili luan prej 7 sezonesh me Totenhemin, është rritur në Portugali, por siç shprehet ai lidhja me Anglinë është shumë e fortë për shkak se luan te Totenhemi.
“Kur të vdes të më varrosnin në stadiumin e Totenhemit do të ishte mirë. Do të dëshiroja që hiri i trupit tim të shpërndahej në Totenham Hotspur Stadium.
Unë nuk kam ndonjë lidhje të fortë ne Londrën përveç Totenhemit, kështu që më e mira do të ishte aty, se sa të më varrosnin diku tjetër”, u shpreh mbrojtësi anglez në deklaratën që i ka habitur të gjithë.
(E.H/Faxweb.al)
