Një burrë në Britaninë e Madhe u vra dhe shtatë të tjerë u plagosën në një sulm me thikë jashtë një klubi nate në Cornwall, në orët e para të së dielës.
Policia njofton se morën një telefonatë në orën 3 të mëngjesit për një “sherr serioz” në klubin e natës Eclipse në Bodmin, thanë zyrtarët në një deklaratë.
Një burrë rreth të 30-ave humbi jetën si pasojë e plagëve të marra, ndërsa shtatë burra dhe gra të tjerë u plagosën, tha policia.
Shtatë të plagosurit u dërguan në spital me lëndime jashtë rrezikut për jetën, thanë autoritetet vendase.
Një 24-vjeçar nga Bodmin është arrestuar nën dyshimin për vrasje, tentativë vrasjeje dhe plagosje të rëndë me dashje.
