Elmilind Dyli, një prej autorëve të masakrës së Velipojës në vitin 2021, ku mbetën të vrarë 4 persona pas një sherri për shezlongët, është arrestuar në Itali. Lajmi u raportua një ditë më parë nga mediat italiane, ndërsa sot konfirmohet zyrtarisht edhe nga Policia e Shtetit.
Dyli ishte në kërkim ndërkombëtar për vrasje dhe për armëmbajtje pa leje, ndërsa do të nisin edhe procedurat e ekstradimit për në Tiranë. Elmilind Dyli, mbeti i plagosur në atë masakër dhe akuzohet se është njëri prej autorëve. Aso kohe Dyli ishte 17 vjeç.
Autoritetet italiane e kanë kryer urdhërarrestin më 9 qershor. Dyli fshihej në zonën e Riminit në Itali, ndërsa jetonte atje së bashku me anëtarë të tjerë të familjes. Autoritetet italiane kanë dhënë masën e arrestit të përkohshëm derisa të kryhet ekstradimi drejt vendit tonë.
Masakra e Velipojës
Katër persona mbetën të vrarë ndërsa dy të tjerë u plagosën pas një konflikti me armë që u shënua në orën 00:30 minuta të 27 qershorit 2021 përpara hotel Gocajt. Shkak i konfliktit me armë ishte ndarja e pronësisë mbi sipërfaqet me rërë ku vendosen shezllonët. Elmidin Dyli ka qenë 17 vjeç në atë kohë kur ndodhi masakra.
Viktimat
Kujtim Verracaku (Ferracaku), babai i Arjan Ferracakut, 59 vjeç
Musaen Zeneli, 20 vjeç kamarier.
Edmond Gocaj, 38 vjeç
Xhovani Gocaj 25 vjeç
Gocajt janë vellezer, djemtë e pronarit të hotelit Gocaj para të cilit ndodhi masakra
Të plagosurit
Elmidin Dyli 17 vjeç
Hasan Verracaku 54 vjeç, vëllai i Kujtim Verracakut.
