Një 49-vjeçar është arrestuar nga Policia e Tiranës paraditen e sotme.
E.Z., banues në Tiranë, plagosi me thikë kushëririn e tij pas një konflikti për motive të dobëta. Menjëherë pas njoftimit shërbimet e policisë shkuan në rrugën “Tish Daija” atje ku ndodhi edhe sherri i momentit.
Nga veprimet e policisë u bë e mundur kapja e 49-vjeçarit.
Ndërkohë kushëriri i tij, K.SH.,31 vjeç është në spital dhe ndodhet nën kujdesin e mjekëve
Njoftimi i Policisë:
Tiranë
Plagosi me mjet prerës (thikë), kushëririn e tij, gjatë konfliktit për motive të dobëta mes tyre, kapet dhe vihet në pranga 49-vjeçari.
Sekuestrohet mjeti prerës (thikë).
Shërbimet e Komisariatit të Policisë Nr. 2, pas marrjes së njoftimit se në rrugën “Tish Daija”, kishte ndodhur një konflikt gjatë të cilit ishte dëmtuar me mjet prerës një shtetas, kanë organizuar menjëherë punën për kapjen e autorit dhe vënien e tij përpara përgjegjësisë ligjore.
Nga veprimet e shpejta hetimore u bë kapja dhe arrestimi i shtetasit E. Z., 49 vjeç, banues në Tiranë, për veprat penale “Plagosja e rëndë me dashje” dhe “Mbajtja pa leje e armëve të ftohta”.
49-vjeçari, mbrëmjen e djeshme, gjatë një konflikti për motive të dobëta, ka plagosur me mjet prerës kushëririn e tij, shtetasin K. Sh., 31 vjeç, banues në Tiranë, i cili ndodhet në spital, në kujdesin e mjekëve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
![](https://egnatianews.com/wp-content/uploads/2022/07/WhatsApp-Image-2022-07-21-at-7.14.33-PM.jpeg)