Përgjatë një jave, 27 mijë e 558 drejtues janë gjobitur nga policia për shkelje të rregullave të qarkullimit rrugor. Nga shpejtësia tej normave, përdorimi i celularit në timon, parakalimi i gabuar janë disa prej shkeljeve.
Konkretisht gjobat janë vendosur si më poshtë për secilën shkelje.
7098 për shpejtësi tej normave të lejuara;
1234 për përdorim të celularit, gjatë drejtimit të mjetit;
1456 për mospërdorim të rripit të sigurimit;
3434 për parakalime të gabuara;
387 për mosvendosje të kaskës mbrojtëse;
226 për manovra të rrezikshme në rrugë;
289 për drejtim të mjetit, në efektin e alkoolit;
11345 për parkim të gabuar;
2089 për shkelje të tjera.
Ndërkohë, janë pezulluar 145 leje drejtimi, për shpejtësi mbi normat e lejuara, për drejtim të mjetit në efektin e alkoolit/në gjendje të dehur dhe për qarkullim në sens të kundërt. Janë arrestuar 38 drejtues mjetesh, nga këta për drejtim mjeti në gjendje të dehur dhe për drejtim të mjetit pa leje drejtimi.
Nisur nga fluksi i lëvizjeve, veçanërisht në zonat bregdetare, me qëllim evidentimin dhe ndëshkimin e shkeljeve që janë burim për aksidente rrugore, janë shtuar patrullat e lëvizshme, duke përdorur mjete inteligjente shpejtësimatëse, poliskanë, radarë automatikë, dronë të cilësisë së lartë, dragera dhe teleskopë.
Skuadra të posaçme të Policisë Rrugore janë planëzuar me shërbim në tunelin e Llogarasë, i cili monitorohet 24 orë me kamera dhe matës të shpejtësisë, për të parandaluar shkeljen e rregullave të qarkullimit rrugor gjatë qarkullimit në tunel.
