Teksa pyllëzimi dhe shtimi i hapsirave të gjelbra duket prioritet i bashkisë së Elbasanit për vitin 2025 qytetarët kanë të tjera probleme që po ia vështirësojnë jetesën dita ditës e deri diku po i rrezikon edhe shëndetin. Qytetarët të cilët jetojnë pranë ish stacionit hekurudhor që kufizohet me një ndër lagjet më të mëdha të qytetit, lagjen “Skënderbej”, ose e njohur ndryshe si “Fushë Mbret” çdo ditë për të paktën 10 vite zgjohen e flen me plehrat tek dera. Thonë se kanë 10 vite që vuajnë mes pisllëkut por pavarësisht se e kanë njoftuar shumë herë bashkinë për të ndërhyrë në pastrimin dhe largimin e tyre situate është po e njëjtë.
