Kryeministrja e Italisë, Giorgia Meloni, ka pritur me ceremoni shtetërore Presidentin e Francës, Emmanuel Macron, i cili po zhvillon një vizitë zyrtare në shtetin italian.
Macron u prit në selinë e qeverisë së Italisë me interpretimin e himnit të të dy shteteve. Meloni-Macron u shfaqën të buzëqeshur përpara kamerave dhe shkëmbyen puthje. Meloni shoqërohet në takimin me Macron nga këshilltari i saj ushtarak, Franco Federici.
Çështjet kryesore në fokus të takimit, sipas shtypit italian, janë mbrojtja, emigracioni i parregullt, konkurrueshmëria, por dhe forcimi i Bashkimit Europian. Pika të tjera që pritet të diskutohen janë lufta në Ukrainë dhe situata në Lindjen e Mesme.
Takimi i shumëpritur kokë më kokë mes Melonit dhe Macron vjen pas keqkuptimeve kohët e fundit midis dy udhëheqësve. Pas takimit dypalësh, do të mbahet një darkë pune në godinën e qeverisë së Italisë
