Efektivët e repartit Shqiponja të Tiranës, kanë shpëtuar një të moshuar e cila ndodhej brenda apartamentit të saj që kishte shpërthyer në flakë në kryeqytet. Burime për newsbomb.al, bëjne me dije se e moshuara ishte asfiksuar brenda në shtëpi, dhe dera kryesore ishte e mbyllur.
Kanë qenë efektivët e këtij reparti që janë detyruar të thyejnë me forcë derën dhe e kanë gjetur pa ndjenja brenda në shtëpi, por me shenja jete. Në këto kushte, kur kanë konstatuar se 75 vjeçarja ishte ende në jetë, “Shqiponjat” e kanë marrë në krah për 5 kate dhe e kanë dërguar me ambulancë drejt QSUT-së.
Ngjarja ka ndodhur në zonën e “Myslym Shyrit”, pranë Drejtorisë së Policisë së Tiranës.
Në pamjet e mëposhtme të siguruara nga newsbomb.al, shihet dhe një efektiv i këtij reparti që pasi e moshuara futet në ambulancë, ai vrapon për të marrë motorin dhe niset para për të hapur rrugën. Fatmirësisht, pas dërgimit në spital, 75 vjeçarja ka mundur të jetojë.h
Reagimi i shpejtë dhe organizimi i efektivëve të “Shqiponjave”, ka bërë një gruaja e moshuar të mbërrijë me shenja jete dhe më pas kanë qenë mjekët ata që kanë bërë detyrën e tyre.
