Eurodeputeti David Lega nuk i ka kursyer ‘kritikat’ për qeverinë shqiptare, teksa është shprehur ditën e sotme se duhet të forcojnë më tej luftën kundër krimit të organizuar, teksa grupet kriminale shqiptare kanë marrë rol tepër aktiv në trafikun e kokainës nga Amerika Latine drejt Europës.
“Disa burime konfirmojnë rolin e zgjeruar të grupeve ballkanike në tregtinë ndërkombëtare të kokainës dhe autoritetet nga MB, Gjermania, Italia, Austria, Bullgaria, Greqia, Zvicra dhe Belgjika kanë identifikuar grupet shqiptare kriminale si nga më aktivet. Shqipëria duhet të forcojë më tej luftën kundër krimit të organizuar!” shkruan Lega në Twitter.
Ky reagim i David Lega-s vjen pasi Zyra e Kombeve të Bashkuara për Krimin dhe Drogën publikoi raportin për “Tregtinë e Paligjshme të Kokainës nga Amerika Latine drejt Europës”.
“Shumica e kokainës që mbërrin në Antwerp ka të ngjarë të jetë e destinuar për organizatat që veprojnë jashtë Holandës, 54 nga ku kokaina shpërndahet më tej në destinacionet e tjera Europiane. Belgjika raportoi se grupet e Marokut dhe përkatësia etnike shqiptare, të cilët janë përfshirë në nxjerrjen e kokainës nga porti, kanë zgjeruar rolin e tyre në zhvillimin e kontakteve në Amerikën e Jugut.
Grupet e përkatësisë etnike marokene gjithashtu mbanin lidhje të ngushta përtej kufirit me Holandën, ndonjëherë bazuar në lidhjet familjare, ndërsa grupet shqipfolëse u përfshinë në eksportim të kokainës e tutje në Itali dhe Shqipëri. Roli i grupeve shqipfolëse në sigurimin e kokainës për Evropën ka shkaktuar një rënie të ccmimit të shitjes me shumicë, nga 2012 e tutje, në Holandë dhe kështu në rrjedhën e poshtme në vendet e tjera evropiane. Është e mundur se i njëjti zhvillim reflektohet në nivel pakicë në përafrimi, gjithashtu nga 2012 e tutje, i pastërtisë evropiane nivele me ato në Shtetet e Bashkuara”, shkruhet nder te tjera ne raport.
