Angela Merkel u përpoq të tregonte ndjenjat e saj miqësore me kafshët disa ditë para se të hapen qendrat e votimit në Gjermani për zgjedhjen e zëvendësuesit të saj, pas një mandati 14-vjeçar.
Kancelarja, e cila po bën turneun e saj të lamtumirës në zonën e saj zgjedhore, Mecklenburg-Pomerania, duke mbështetur kandidatin e saj Georg Gooder, ishte në një park zogjsh, ditën e djeshme (23 shtator).
Para kamerave ajo filloi të ushqejë me gëzim një tufë papagallësh. Oferta ishte mjaft e parezistueshme për zogjtë dhe të paktën 10 prej tyre e rrethuan.
Por njëri prej tyre në vend që të merrte ushqimin që iu ofrua nga kancelarja, e kafshoi.
Skena ishte mjaft e pakëndshme.
Merkel e cila gjithmonë është parë në rolin e kancelares së hekurt u duk se u lëndua nga kafshimi i papagallit. Kamerat e madje e kapën atë me një shprehje të pazakontë të dhimbjeve.
Sidoqoftë, ajo shpejt rifitoi qetësinë dhe buzëqeshjen e saj, duke vazhduar të vizitonte kafshët e tjera të lezetshme në park.
Por këtë herë kur iu ofrua të ushqejë një buf evropian, ajo me mirësjellje nuk pranoi, duke thënë: “Jo, jo, unë ushqeva papagallët … “.
