Ish -ambasadori grek në Shtetet e Bashkuara Alexandros Malias ka dhënë sinjale të mira për njohjen e Kosovës nga Greqia. Në një intervistë për median greke “Kathimerini”, Malias tha se intensifikimi i marrëdhënieve midis Prishtinës dhe Athinës dhe rruga e ndjekur nga ministri i jashtëm Nikos Dendias mund të sjellë shumë shpejt mund të përfundojë përfundimisht me njohjen e Kosovës.
“Ministri i Jashtëm Dendias ka nisur një dialog të nivelit të lartë midis Greqisë dhe Kosovës. Në fund të “rrugës”, ka të ngjarë të bëhet njohja,”-u shpreh ai. Ndërsa gjithashtu shtoi se një zhvillim i tillë do ta afronte Greqinë me faktorin shqiptar dhe se do të “trondiste” pozicionin e Turqisë.
Dendias vetë ka vizituar Kosovën në qershor të këtij viti, ku gjatë takimeve me presidenten Vjosa Osmani dhe kryeministrin Albin Kurti shprehu mbështetjen e Prishtinës zyrtare në rrugëtimin evropian. Megjithatë deri më tani ka mohuar të gjithë zërat për njohje të Kosovës.
Marrë nga: Alo
