Lideri historik i PD-së, Sali Berisha gjatë ‘Foltores’ me gratë demokrate është shprehur se nuk do të presë asnjëherë Yuri Kim, deri në momentin që ajo të mos kërkojë falje për deklaratën e ‘barit’.
‘Dy fjalë dua ti them zonjës Ambasadore, e cila ajo më shumë se interesat e vendit të saj promovon politikën e Soros në Shqipëri dhe Ballkan. Në një dalje televizive u shpreh se po fitoi Berisha, nuk do ti jap dorën apo do të trokas në derë. Tani do ti përgjigjem para jush.
E nderuar zonjë, dera e Sali Berishës, si kryetar i PD-së, kryeministër apo çdo pozicion që të jetë do të jetë gjithmonë e hapur për ambasadoren apo ambasadorin e SHBA, me të vetmin kusht; në rast se ajo do të quhet Yuri Kim, në çfarë do lloj funksioni të jetë kurrë nuk do të shkelë në zyrën time pa u kërkuar ju të falur për barin që ju serviri.
