Tifozët e futbollit në Kamerun u shtypën teksa përpiqeshin të futeshin në një stadium për të parë ndeshjen.
Rrëmuja vdekjeprurëse shpërtheu jashtë stadiumit Olembe përpara një ndeshje futbolli të Kupës së Kombeve të Afrikës mes Kamerunit dhe Ishujve Komore të hënën.
Thuhet se rrëmuja u shkaktua nga njerëzit që përpiqeshin furishëm të futeshin në stadium për të parë ndeshjen – e cila u fitua nga Kameruni 2-1.
Kupa e Kombeve të Afrikës është një turne ndërkombëtar futbolli – i themeluar në vitin 1957 – i cili mbahet midis ekipeve kombëtare afrikane të futbollit.
Naseri Paul Biya, i cili shërben si guvernator i rajonit qendror të Kamerunit, i tha AP se autoritetet ende po vlerësonin numrin e të vdekurve.
AP më vonë raportoi se rreth 8 persona humbën jetën në incident. Të paktën 40 persona të plagosur thuhet se u dërguan në një spital aty pranë.
Një infermiere në spital zbuloi se “disa nga të plagosurit janë në gjendje të rëndë” dhe do të duhej të evakuoheshin “në një spital të specializuar”.
