Presidenti rus Vladimir Putin ka bërë thirrje për diversifikimin e eksporteve të energjisë ruse drejt Azisë.
Putin paralajmëroi se vendet evropiane po destabilizonin tregun duke u larguar nga gazi dhe nafta ruse. Duke folur sot, ai tha se Rusia do të zhvendosë drejtimin e eksporteve të saj hap pas hapi në tregjet me rritje të shpejtë të jugut dhe lindjes.
“Përpjekjet për të larguar furnizuesit rusë, për të zëvendësuar burimet tona të energjisë me furnizime alternative, do të ndikojnë në mënyrë të pashmangshme në të gjithë ekonominë globale,” tha ai.
Vitin e kaluar, rritja e çmimeve nënkuptonte se të ardhurat nga nafta dhe gazi përbënin 36% të shpenzimeve të qeverisë ruse.
Pjesa më e madhe e këtyre të ardhurave vjen nga Bashkimi Evropian, i cili importon rreth 40% të gazit dhe 27% të naftës nga vendi.
