Një 26-vjeçar spanjoll ka dorëzuar në polici një çantë me 14 000 euro, që e kishte gjetur në qendër të Valladolid.
Sipas “El Norte de Castilla”, çantën e kishte humbur një grua e cila po shkonte një bankë për të depozituar paratë.
Interesant është fakti se diçka e ngjashme ka ndodhur në këtë qytet të Spanjës edhe një javë më parë, kur në polici u paraqit një burrë, i cili kishte gjetur një portofol me 500 euro.
Disa ditë më pas, në komisariat u dorëzua një tjetër portofol, kësaj radhe me 1700 euro brenda.
Në të gjitha rastet, policia ia ka kthyer paratë pronarëve përkatës.
