Rusia dhe Ukraina kanë vendosur një armëpushim dhe hapjen e një korridori humanitar për të larguar ushtarët ukrainas të plagosur në fabrikën e çelikut në Azovstal.
Lajmin e konfirmoi Ministria ruse e Mbrojtjes, e cila tha se ushtarët e plagosur janë transportuar në një spital në Novoazovsk.
Luftimet në fabrikën e çelikut vijojnë prej ditësh, teksa ushtarët ukrainas refuzojnë të dorëzohen, duke thënë se do të luftojnë deri në fund. Dy ditë më parë nga Mariupoli u largua një autokolonë me rreth 1000 mjete, të cilat transportuan qytetarët drejt Zaporizhzhias.
