15 persona të armatosur kanë hapur zjarr drejt një hoteli në qytetin meksikan Celaya, në shetetin qendror Guanajuato.
Mediat lokale raportojnë se të paktën 11 persona janë vrarë dhe disa të tjerë janë plagosur. Dëshmitarët thanë se një grup prej 15 burrash të armatosur kanë hyrë në hotel gjatë orës 22:00, duke qëlluar dhe hedhur bomba me benzinë përpara se të sulmonin dy bare aty pranë.
Forcat e sigurisë ndodhen në vendngjarje, por ende nuk kanë dhënë një deklaratë se kush mund të qëndrojë pas të shtënave.
Qyteti i Celaya-s ka parë një rritje të vazhdueshme të dhunës, kjo për shkak se dy kartele kriminale ajo e Santa Rosa de Lima është përfshirë në përplasje vdekjeprurse me rivalët e tyre Kartelin e Gjeneratës së Re Jalisco.
Karteli Santa Rosa merret kryesisht me grabitje dhe vjedhje karburantesh. Ish-ushëheqësi i saj, Jose Yepez është dënuar me 60 vite burg në fillim të këtij viti.
