Merita Hajdari prej vitesh mbledh kanaçe për të siguruar jetesën por pas falsifikimit të firmës, ajo rezulton pronare e një firme fiktive e përdorur për skemën e inceneratorëve.
Në fotot e siguruara nga gazetarja e Panorama.al Nikoleta Kovaçi duket Hajdari teksa i është drejtuar SPAK për të kërkuar llogari për këtë skandal ku është përfshirë dhe ku thotë se nuk ka asnjë dijeni.
Hajdari është vetëm një prej emrave të shumtë që dalin në aferën e inceneratorëve, ku mes tyre ka azilantë, çobanë, të cilët kanë nisur prej ditës së sotme të paraqiten në SPAK.
Ajo është paraqitur në dyert e SPAK bashkë me djemtë e saj pasi ka dëgjuar që emri i saj të lakohet në media.
