Krimi tronditi sërish Shkodrën mbrëmjen e kësaj të diele. Një i ri u qëllua me armë teksa ndodhej në një lokal, duke mbetur i vdekur në vend.
Përmes një njoftimi zyrtar, policia bën të ditur se Erjon Xhenja, 19 vjeç është vrarë në rrethana ende të paqarta. Ngjarja ka ndodhur rreth orës 20:10, në bulevardin “Bujar Bishanaku”.
Pasi kanë qëlluar për vdekje të riun, i cili ndodhej në lokal, autorët janë larguar menjëherë nga vendi i ngjarjes me motoçikletë. Policia thotë se është vënë në ndjekje të tyre.
Sakaq, nga burime mësohet se është gjetur një motoçikletë e djegur në lagjen “Guerrile”, që dyshohet të jetë e autorëve.
Nga ana tjetër, grupi hetimor nën drejtimin e Prokurorisë ndodhet në vendngjarje, ndërsa FNSH vijon kontrollin e zonës.
