Të paktën 17 persona u dogjën të gjallë pasi një zjarr shpërtheu në një restorant gjatë shërbimit të ngjeshur të drekës në Kinë.
Filloi rreth orës 12:40 pasdite me orën lokale në restorantin popullor Hongyu Xiaoyoubing në Changchun, kryeqyteti i provincës Jilin.
Sipas kanalit televiziv shtetëror të Kinës CCTV, klientët ishin brenda restorantit gjatë orës së drekës kur filloi zjarri.
Tre persona u plagosën dhe u dërguan në spital për trajtim dhe mbetjet e djegura të 17 personave u hoqën nga ndërtesa e rrënuar.
Imazhet tregojnë tymin dhe flakët që dalin nga ndërtesa. Zjarri është shuar rreth orës 15:00 nga ekipet e zjarrfikësve.
Shkaku i zjarrit ishte nën hetim.
Ngjarja ka ndodhur në zonën industriale Changchun New Area, e cila është një qendër e prodhimit të makinave, sipas një postimi në mediat sociale nga komiteti i saj i menaxhimit.
