Sipas të gjitha llogarive, më në fund bota ka filluar të ketë nën kontroll COVID-19.
Por ndërsa numri i viktimave dhe shtrimeve në spital ka pësuar rënie, sistemet shëndetësore janë ende në kolaps- dhe kërcënimi tjetër pandemik mund të vijë së shpejti.
Virusi Ebola, është rishfaqur në Kongo dhe Guinea , dhe vendet kanë filluar përgatitjet në spitale.
Ndërsa shpresojmë për më të mirën, ne planifikojmë për më të keqen; shpresa nuk është një plan.
Ne duhet të gjejmë mënyra për të investuar në një të ardhme për të trajtuar këto kërcënime ndaj shëndetit publik.
Edhe ndërsa dalim nga COVID-19, spitalet dhe sistemi i kujdesit shëndetësor duhet të jenë të përgatitur për atë që vjen më pas. Kërcënimet individuale të shëndetit publik janë të paparashikueshme – qoftë një pandemi, një katastrofë natyrore, terrorizëm apo një vrasje masive.
Por ne duhet të dimë formulën për menaxhimin e tyre. Pavarësisht kësaj, katastrofat çojnë spitalet në prag të krizës financiare. E vërteta është se sistemi i kujdesit shëndetësor thjesht nuk është ndërtuar për t’i bërë ballë një kërcënimi të shëndetit publik si COVID-19.
Sistemet spitalore përshembull në New York City u penalizohen për shkak të hapësirës, burimeve dhe kapacitetit të papërdorur.
Shtretërit shtesë ” konsiderohen “mbeturina”.
Si rezultat, infrastruktura për gatishmërinë shëndetësore është e kufizuar. Kjo është një arsye kryesore pse komunitetet në disavantazh ndikohen në mënyrë disproporcionale nga urgjencat e shëndetit publik. Kur spitalet janë në kaos, detyrohen të bëjnë gjëra të paimagjinueshme – si ndërtimi i një spitali fushor në Central Park – në mënyrë që të shpëtojnë jetë, raporton abcnews.al
Vende të tjera si Izraeli kanë krijuar spitale nëntokësore. Këto zona të përdorura për luftë tani përdoren për pacientët me COVID-19. Kostoja për të mbajtur dritat të ndezura, për të punësuar stafin dhe për të pasur burimet në një rast urgjence është shumë e lartë por ia vlen të përgatiteni.
Së pari, ne duhet të formojmë një rrjet të “spitaleve të sigurisë kombëtare” në çdo rajon duke përgatitur spitalet.
Spitalet janë thelbësore për reagimin ndaj katastrofës – ashtu si policia, departamentet e zjarrfikësve, EMS dhe madje edhe ushtria. Qendrat e traumës, qendrat onkologjike dhe spitalet me kapacitet të kujdesit kritik duhet të stimulohen për të rritur kapacitetin dhe të kenë një staf të trajnuar.
Kjo, sigurisht, kërkon burime dhe fonde.
Prandaj nevojitet një Fond Federal Shëndetësor i Emergjencave, për të stimuluar lehtësira që plotësojnë kritere specifike për sigurinë kombëtare – duke siguruar që ata të vazhdojnë të kenë fondet e nevojshme për të ruajtur burimet thelbësore.
Krijimi i këtij fondi dhe sigurimi i burimeve për spitalet jo vetëm që do të shpëtonte jetë njerëzish dhe do të ndihmonte në parandalimin e krizave nga sistemet dërrmuese, por gjithashtu në fund të fundit do të kursente para.
Kjo gjithashtu do të siguronte që sistemi i kujdesit shëndetësor të ofronte kujdes për kancerin, sëmundjet kardiake dhe kujdesin rutinë të njerëzve.
Gatishmëria do të thotë pak, sepse nevojitet një zinxhir furnizimi i fortë dhe të burime të mira. Në kulmin e pandemisë COVID-19, rezervat kombëtare nuk ishin gati sa për të na shpëtuar gjatë kësaj kohe kritike dhe tani e dimë që mungesa e PPE ka të ngjarë të kontribuojë në përhapjen e sëmundjes, raporton abcnews.al
Kjo është arsyeja pse gjithashtu duhet të rimodelojmë zinxhirin e furnizimit të kujdesit shëndetësor duke përdorur mjete që mund të na ndihmojnë të menaxhojmë dhe alokojmë më mirë furnizimet – duke zvogëluar tensionin midis shteteve dhe qeverisë federale.
Gjithashtu duhet të mbështesim qëndrueshmërinë e zinxhirit të furnizimit me “stimuj strategjikë”, duke përfshirë angazhimet nga qeveria federale për të blerë rregullisht furnizime, dhe të prodhojmë produkte mjekësorë në rajone të ndryshme gjeografike në të gjithë vendin, së bashku me sigurimin e kredive me interes zero për blerjet e lidhura me furnizimin.
Sistemet e mbingarkuara shëndetësore e kanë lënë vetën të pambrojtur dhe investimi për të qenë të përgatitur mund të na ndalojë të arrijmë atë pikë.
Ashtu si shpenzimet për tu përgatitur ndaj një pandemie na ndihmojnë për të qenë të sigurt duke parashikuar kërcënimet para se ato të bëhen reale, fondet për gatishmërinë e pandemisë mund të ndihmojnë në zbutjen e krizave përpara se të arrijnë kulmin e paimagjinueshëm që pamë me COVID.
Sistemi i kujdesit shëndetësor është një komponent themelor i sigurisë dhe aftësisë kombëtare të reagimit. Virusi tjetër është në pritje. Prandaj të nderojmë miliona viktima ndaj COVID duke u përgatitur dhe duke investuar për të ardhmen tonë.
ABC news.al
