Një avari në tragetin e linjës së Ankonës anulon lundrimin nga Durrësi drejt portit italian.
Përmes Autoritetit Portual janë njoftuar pasagjerët që kanë rezervuar udhëtimin e tyre mbrëmjen e sotme drejt Ankonës me tragetin “AF Claudia” se ky lundrim është anuluar.
Shkak është bërë një avari që ka pësuar ky traget, ndërsa kompania e lundrimit do të rimbursojë ose do të shtyjë për një moment të dytë të gjitha biletat për këtë lundrim, në varësi të zgjedhjes së udhëtarëve.
Trageti që pësoi avari ishte planifikuar të nisej në orën 19.00 të ditës së diel, por udhëtarët do të duhet të gjejnë një zgjidhje tjetër, duke shfrytëzuar edhe linjën e Barit që do të vijojë normalisht.
APD bën me dije se dy tragetet e linjës Durrës-Bari do të nisen në orar, natën e sotme në orën 23:00.
