Ndryshimet klimaterike kanë bërë që fenomenet e përmbytjeve të jenë gjithnjë e më të shpeshta.
Sipas një studimi të vitit 2019, nivelet globale të deteve pritet të rriten nga 2 në 7 metra, deri në vitin 2100, e ku të paktën 190 milionë njerëz mund të jetojnë në zona të përmbytura.
“Nëse gjetjet tona qëndrojnë, komunitetet bregdetare në të gjithë botën duhet të përgatiten për një të ardhme shumë më të vështirë sesa mund të parashikohen aktualisht”, paralajmëroi studimi.
Por, duket se është gjetur një zgjidhje nga arkitektët për këtë problem mbarëbotëror.
Kërcënimi nga përmbytja po ndryshon mënyrën e ndërtimit të qyteteve, dhe arkitektët po përshtatin planet e tyre me një realitet të ri klimatik. Duke përdorur materiale të qëndrueshme dhe teknika të reja, këto dizajne, nga e gjithë bota, do të jenë gjithnjë e më të rëndësishme në një të ardhme ku përmbytjet mund të jenë shumë të përhapura.
