Italia ka hyrë në një bllokim të rreptë tre-ditor në përpjekje për të parandaluar një rritje në rastet e Covid-19 gjatë Pashkëve. Të gjitha rajonet janë tani në “zonën e kuqe” – niveli më i lartë i kufizimeve – ndërsa vendi lufton me një valë të tretë, me rreth 20,000 raste të reja në ditë.
Lëvizja jo e domosdoshme është e ndaluar, por njerëzit lejohen të ndajnë një vakt të Pashkëve në shtëpi me dy të rritur të tjerë. Kishat janë gjithashtu të hapura, por besimtarëve u thuhet të marrin pjesë në kishat brenda rajoneve të tyre. Për të dytin vit rradhazi, Papa Françesku do të japë mesazhin e tij të Pashkëve në një Shesh të zbrazur të Shën Pjetrit.
Pas fundjavës së pushimeve, rajone të ndryshme do të qëndrojnë më pas në kufizimet e “zonës portokalli” ose “zonës së kuqe” deri në fund të muajit. Kufizimet e Italisë vijnë ndërsa vendet në të gjithë Evropën përpiqen të kontrollojnë një rritje në rastet e virusit, ndërsa luftojnë me një shtyrje të vonuar të vaksinave.
Më shumë se 110,328 njerëz në total kanë vdekur nga koronavirusi në Itali dhe ka pasur 3.6 milion infeksione të konfirmuara.
Si është situata në Itali?
Pak më shumë se një vit pasi Italia u bë vendi i parë perëndimor që u godit nga një epidemi e koronavirusit, vendi tani po përballet me një valë të tretë dhe një festë të dytë të Pashkëve në bllokim.
Më 1 Prill, Italia regjistroi 23,634 raste të reja dhe 501 vdekje.
Sipas masave të reja të bllokimit, të gjitha dyqanet jo-thelbësore janë të mbyllura. Ndërsa nuk lejohet qëndrimi në restorante dhe kafene të cilat vetëm kryejnë shërbimin për qytetarët dhe nuk lejojnë qëndrimin në ambientet e tyre duke respektuar rregullat.
