Vincenzo Tizzano, 32-vjeç, ishte në Shqipëri me mikun e tij, Domenico Gritto, 24-vjeç për pushime dhe për të festuar ditëlindjen.
Mediat italiane shkruajnë se Gritto dhe Tizzano po ktheheshin nga një klub, pasi festuan ditëlindjen e këtij të fundit.
Por ka rezultuar fatale, teksa janë përplasur nga Benz-i që drejtohej nga 17-vjeçari Elio Rraku, i cili ndodhej në mjet bashkë me një bashkëmoshatar.
Shkrimi nga mediat italiane
Tragjedia pas ditëlindjes së 32-vjeçarit
Gritto dhe Tizzano po ktheheshin nga një klub, pasi festonin ditëlindjen e këtij të fundit. Dinamika e aksidentit po hetohet nga policia lokale, e cila ka kryer konstatimet në vend. Autori 17-vjeçar u ndalua për shkelje të qarkullimit rrugor, me pasojë vdekjen e dy personave (nuk kishte leje drejtimi duke qenë i mitur) dhe për drejtim të parregullt. Ai së shpejti do të merret në pyetje.
Domenico Gritto, 24-vjeç dhe Vincenzo Tizzano, 32-vjeç, rreth orës 3 të mëngjesit, po ktheheshin me skuter në Sarandë (nga Ksamili), një qytet bregdetar shumë i preferuar nga pushuesit italianë, kur një Mercedes Benz, i drejtuar nga një 17-vjeçar i doli para.
Nga ana tjetër, 17-vjeçari që drejtonte makinën dhe një i moshës së tij kanë mbetur të plagosur lehtë dhe janë transportuar për në spitalin e Sarandës.
