Policia e Elbasanit ka goditur një rast të trafikut të emigrantëve që hyjnë në mënyrë të paligjshme nëpërmjet kufirit me shtetin grek me destinacion vendet e BE-së.
Një 57-vjeçar është arrestuar, pasi po transportonte 9 emigrantë me autobus. Postblloku është ngritur në aksin rrugor Gramsh-Cërrik.
Në fshatin Ceruje policia ka bllokuar autobusin që drejtohej nga shoferi F. L.
Nga kontrolli rezultoi se po transportonte në drejtim të Tiranës, 9 persona nga Siria, kundrejt fitimit.
Shoferi u arrestua, ndërsa autobusi dhe celulari iu sekuestruan.
Materialet i kaluan Prokurorisë, për veprime të mëtejshme procedurale, për veprën penale “Ndihma për kalim të paligjshëm të kufijve./
