Elona Kalesha është dënuar me 30 vite burg. Ky është dënimi i mbërritur sot nga gjyqtarët e Gjykatës së Asociacionit të Firences për vdekjen e Shpëtim dhe Teuta Pasho, ish vjehrri dhe vjehrra e Kaleshës.

Elona Kalesha u deklarua fajtore nga gjykata për vrasjen dhe copëtimin e trupave të prindërve të ish-bashkëshortit të saj , të gjetur në copa dhe të braktisura në disa valixhe në Sollicciano, në periferi perëndimore të Firences.

Akuza rëndonte për vdekjen e Teutës dhe Sphetim Pashos, të zhdukur në nëntor 2015, por të gjetur të vdekur vetëm në dhjetor 2020, prokuroria e Firences kishte kërkuar dënimin maksimal me burgim të përjetshëm për 37-vjeçarin.

Gjatë fjalës së saj ajo u shpreh: “Prisja një fëmijë nga Taulanti, e ngjizëm në Sollicciano, në dhomën e takimeve në burg. Unë e ndërpreva shtatzëninë më 27 tetor 2015 dhe ai e dinte”.

Kjo ishte edhe alibia e 36-vjeçares lidhur me akuzat e rënda. Një qëndrim mohues pas akuzave për vrasjen e dyfishtë para hetuesve, të cilët e kanë pyetur shqiptaren për 7 orë. Mes tensionit, ajo ka folur për herë të parë dhe përsëriti se nuk i kishte vrarë vjehrrit e ardhshëm, por pranoi abortin. Kalesha u paralajmërua në mënyrë të përsëritur për t’u qetësuar, madje edhe nga vetë mbrojtësit e saj, avokatët Antonio D’Orzi dhe Federico Febbo.