Niset me helikopter drejt Traumës në Tiranë pushuesi i cili u aksidentua nga mjeti i pastrimit të bregut të liqenit në Pogradec.

Mësohet se gjendja e tij ka qenë kritike dhe kishte nevojë për ndërhyrje të specializuar.

Ngjarja ndodhi ditën e sotme rreth orës 13:50 në vendin e quajtur “Plazhi”, ku 53-vjeçari, Agron Ketaj u godit aksidentalisht nga fadroma që shërben për pastrimin e mbetjeve liqenore,

Ketaj ishte në gjumë në momentin kur u aksidentua nga fadroma.

Drejtuesi i fadromës, Denis Piperi. 22 vjeç është shoqëruar në Komisariat, për kryerjen e veprimeve të mëtejshme procedurale.

Çfarë thotë policia?

Rreth orës 13:50, në vendin e quajtur “Plazhi”, mjeti fadromë që shërben për pastrimin e mbetjeve liqenore, me drejtues shtetasin D. P., 31 vjeç, ka goditur aksidentalisht shtetasin A. K., 53 vjeç (pushues), i cili si pasojë është dëmtuar dhe ndodhet në spitalin e Pogradecit, në kujdesin e mjekëve.

Ndërkaq, drejtuesi i fadromës, shtetasi D. P. është shoqëruar në Komisariat, për kryerjen e veprimeve të mëtejshme procedurale.

Grupi hetimor vijon punën për zbardhjen e rrethanave të kësaj ngjarjeje.

Previous articleBie nga kati i dytë i resortit në Ksamil, 19-vjeçari transportohet drejt Traumës
Next articleI riu nga Ballshi në humb kontaktet me familjen, babai apel: Punon në Ksamil, kush ka dijeni të më kontaktojë