Jozefina Topalli e ftuar në emisionin ‘Real Story’ në ‘News24’ foli për një marrëveshje mes kryeministrit Rama dhe kryeopozitarit Lulzim Basha para zgjedhjeve, që administrata zgjedhore mos të denonconte asnjë parregullsi në këtë proces.
Topalli,e cila do të vijë në këto zgjedhje me një parti të re, “Lëvizja për ndryshim”, tha se pas një viti opozita u kujtua dhe nisi akuzat se i ishin vjedhur votat.
“Në 2017 votat janë vjedhur, s’ka dyshim. Po ato 3 forca politike ishin në qeveri (PD, PS, LSI). Në KQZ kanë shkuar përfaqësues të këtyre partive, që mos të kishin asnjë kundërshti me njëri-tjetrin. Të dy kryetarët e partive, kanë urdhëruar që të binin dakord me njëri-tjetrin, që mos të denoncohej asnjë parregullsi në zgjedhje. Kjo ishte me marrëveshjen e 2017. Pas zgjedhjeve në fakt rezultati u votua në KQZ me urdhër të kryetarit. Nuk është lejuar asnjë ankese për zgjedhje, apo manipulimin. S’ka qëndruar në procesverbal asnjë vërejtje. Pasi kanë ndodhur të gjitha këto, opozita është kujtuar se i kanë vjedhur zgjedhjet dhe nisën betejën se “Me Edi Ramën s’ka zgjedhje”- u shpreh Topalli.
